Kæru Smaladrengir

Fyrsta eða annan laugardag í nóvember stendur til að halda útvistarsýningu í Reiðhöllinni Svaðastöðum á Sauðárkróki.  Hugmyndin er að stefna þangað helstu klúbbum og félagasamtökum sem hafa útivist af einhverju tagi að markmiði.  Smaladrengjum er boðin þátttaka þar sem okkur gefst tækifæri til að kynna starfsemina og sýna fákana. Þarna yrðu sýndar myndir frá starfsemi félagsins og spurningum svarað.  Selt verður inn á sýninguna til að hafa upp í kostnað, en markmiðið er að hún standi réttu megin við núllið.

Fulltrúi Smaladrengja lýsti yfir áhuga á þátttöku með fyrirvara um veður og færð. Hugmyndin er að mæta með sem flest hjól á svæðið, en það ræðst að sjálfsögðu af veðráttunni. Ef færð leyfir ekki akstur er ljóst að flytja þarf hjólin á kerru og kem ég þá að erindinu sem snýr að því hvort áhugi er meðal félagsmanna á þátttöku og ef svo er, hvort  einhverjir hafa yfir að ráða kerrum sem hægt er að nota til flutninga.

Það væri óneitanlega gaman að taka þátt í þessari frumraun, en hugmyndin er að halda svona sýningu annað hvert ár ef vel tekst til. Hitt er svo annað mál að þetta er alveg háð vilja félagsmanna og árstíminn er ekki sá heppilegasti fyrir okkur hjólafólk.

Ég bið ykkur um að senda línu til mín á netfangið Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.  eða formanninn á Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. þar sem þið segið okkur hvernig ykkur líst á þetta.  Gott væri að fá þessar upplýsingar fyrir miðvikudaginn 14. október, en annar fundur verður haldinn fimmtudaginn 15. okt.

Kveðja

Keli # 19.

Nú er búið að semja um merktar vörur og hér eru verðin í eftirfarandi:

Pólóbolir: Stærðir S-M-L-XL-XXL kr. 3.000

Langerma: Stærðir S-M-L-XL-XXL kr. 2.500

Endursk.vesti: Stærðir S/M - L/XL - XXL kr. 1.600

MYNDIR HÉR

Svo er bara að hringja í 899 2052 eða senda tölvupóst á Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. og panta!

Allar stærðir eru komnar nú þegar í hús en í takmörkuðu magni.

Það er bið í næstu pöntun og verður hún ekki framkvæmd fyrr en að pantanir liggja fyrir.

Svo fyrstur kemur fyrstur fær....

kv.

Gjaldkeri