Aðalfundur Vélhjólafélags Smaladrengja haldinn FNV miðvikudaginn 30. apríl 2024 kl. 18:00.
Björn Ingi Björnsson var kjörinn fundarstjóri og Þorkell V. Þorsteinsson var kjörinn ritari.
1. Skýrsla stjórnar. Formaður flutti skýrslu stjórnar. Lítið var gert í fyrra en þrír félaga fóru í tónleikaferð á Raufarhöfn og fjórir félagar fóru í sex vikna hjólaferð um Evrópu. Örfáir fimmtudagsrúntar voru farnir. Þátttaka í Sumardeginum fyrsta var meiri en nokkurn tímann áður. Frábær dagur og veður.
2. Inntaka nýrra félaga: Engir nýir félagar voru teknir inn þetta starfsár.
3. Endurskoðaðir reikningar: Páll Stefánsson fluttir skýrslu gjaldkera. Skuldir og eigið fé
nema kr.1.090.704. Reikningarnir samþykktir samhljóða. Samþykkt að óbreytt félagsgjöld verði innheimt á þessu ári og inntökugjald verði óbreytt. Stjórninni var gert að nota fjármuni
félagsins til að greiða fyrir aðgangseyri að söfnum og þess háttar á ferðalögum félagsins.
4. Kosning formanns: Björn Ingi Björnsson var endurkjörinn formaður.
5. Kosning stjórnar: Páll Stefánsson var kjörinn gjaldkeri. Þorkell V. Þorsteinsson var
kjörinn ritari. Steinn Elmar Árnason var kjörinn meðstjórnandi. Baldur Sigurðsson var
kjörinn merkisberi. Trausti Helgason var kjörinn skoðunarmaður reikninga.
6. Kosning í nefndir og ráð: Í ferðanefnd voru kjörnir: Baldur Sigurðsson, Björn Þórisson og
Björn Ingi Björnsson. Í netsíðunefnd voru kjörnir: Björn Ingi Björnsson og
Þorkell V. Þorsteinsson.
7. Önnur mál. Rætt um leigu á húsnæði til geymlu og klúbbstarfs. Engin niðurstaða önnur en að vera vakandi fyrir tækifærum til leigu á hentugu húsnæði.
Samþykkt að hvetja félaga til að láta vita á innra netinu á Messenger þegar þeir fara í ferðalög
og vilja félagsskap. Formaður sagði frá því að Frumherji bjóði ekki upp á afslátt af skoðun en Tékkland verði með lægsta verðið. Skoða verður öll hjól fyrir 1. júní. Umhverfið í kringum Fallið er ekki til fyrirmyndar. Formaður stakk upp á að sækja um styrk til að laga það. Það er háð vilja Tíunnar og lóðareiganda í Varmahlíð. Þá var rætt um að setja niður bekk við minnismerkið.
Formaður kynnti hugmynd að heimsókn til Rafta 10. maí og i vorfagnað Tíunnar og Snigla 17. maí. Dagana 13.-15. júní eru Hjóladagar á Mótorhjólasafninu á Akureyri. Start-up dagurinn er 14. júní. Hann lagið til Tröllaskaghring í maí eða júní. Mærudagar eru 25.-27. júlí og Húnavakan er 17.-20. júlí. Hann sýndi derhúfu sem merkt er Smaladrengjum en Myndun sér um að útbúa slíkar húfur. Þá sýndi hann fatnað frá þeim sem hægt er að merkja. Samþykkt að formaður kanni að félagið kaupi endurskinsvesti með rennilás og merki félagsins.
Fleira ekki gert og fundi slitið.
Þorkell V. Þorsteinsson
Arnfríður Arnardóttir
Baldur Sigurðsson
Björn Ingi Björnsson
Elmar Steinsson
Ingólfur Arnarson
Páll Stefánsson
Guðmundur Rúnar Stefánsson
