Aðalfundur Vélhjólafélags Smaladrengja haldinn FNV miðvikudaginn 22. maí 2023 kl.
18:30.
Björn Ingi Björnsson var kjörinn fundarstjóri og Þorkell V. Þorsteinsson var kjörinn ritari.

1. Skýrsla stjórnar. Formaður flutti skýrslu stjórnar. Lítið var gert í fyrra en þátttaka í
   Sumardeginum fyrsta var meiri en nokkurn tímann áður. Frábær dagur og veður. Örfáir
   fimmtudagsrúntar voru farnir. Formaðurinn seldi hjólið og var hjóllaus þetta árið.
2. Inntaka nýrra félaga: Helgi Svanur Einarsson var boðinn velkominn í hópinn.
3. Endurskoðaðir reikningar: Páll Stefánsson fluttir skýrslu gjaldkera. Skuldir og eigið fé
   nema kr.1.029.662 Reikningarnir samþykktir samhljóða. Samþykkt að félagsgjöld verði
   innheimt á þessu ári og inntökugjald verði óbreytt. Stjórninni var gert að nota fjármuni
   félagsins til að greiða fyrir aðgangseyri að söfnum og þess háttar á ferðalögum félagsins.
4. Kosning formanns: Björn Ingi Björnsson var endurkjörinn formaður.
5. Kosning stjórnar: Páll Stefánsson var kjörinn gjaldkeri. Þorkell V. Þorsteinsson var
   kjörinn ritari. Steinn Elmar Árnason var kjörinn meðstjórnandi. Baldur Sigurðsson var
   kjörinn merkisberi. Trausti Helgason var kjörinn skoðunarmaður reikninga.
6. Kosning í nefndir og ráð: Í ferðanefnd voru kjörin: Björn Þórisson, Helgi Svanur
   Einarsson og Valgeir M. Valgeirsson. Í netsíðunefnd voru kjörnir: Björn Ingi Björnsson og
   Þorkell V. Þorsteinsson.
7. Önnur mál. Samþykkt að hvetja félaga til að láta formann vita þegar þeir fara í ferðalög
   og vilja félagsskap. Formaður sér þá um að senda út skilaboð á Messenger á félaga.
   Umræður um hugsanlegt húsnæði fyrir klúbbinn án niðurstöðu. Rætt um að úthluta
   einstökum félögum umsjón með ferðum í ákv. mánuði. Þannig myndu tveir félagar sjá
   um hvern mánuð í senn. Þá var hvatt til þátttöku í Húnavöku 18.-20. júlí í sumar. Rætt
   um að heimsækja landsmótið 4.-7. júlí að Varmalandi í sumar. Samþykkt að auglýsa rúnt
   eftir hádegi laugardaginn 25. maí. Formanni falið að auglýsa ferðina.
   Fleira ekki gert og fundi slitið.
   Þorkell V. Þorsteinsson
   Baldur Sigurðsson
   Björn Ingi Björnsson
   Páll Stefánsson
   Helgi Svanur Einarsson

Kæru smalar.

Aðalfundur Vélhjólafélags Smaladrengja 2024 verður haldinn kl 18:30 miðvikudaginn 22. maí í húsnæði FNV / Fjölbrautarskóla norðurlands vestra á Sauðárkróki

Dagskrá aðalfundar er hefðbundin:

Kosning fundarstjóra og fundarritara
Inntaka nýrra félaga.
Stjórn og nefndir gefa skýrslu um starfsemi liðins árs.
Stjórnin leggur fram endurskoðaða reikninga liðins árs.
Lagabreytingar.
Kosning stjórnar, varamanna og skoðunarmanns reikningshalds
Kosning nefnda.
Önnur mál.

Léttar veitingar verða í boði.

kv. Stjórnin

Sumardagurinn fyrsti 25. apríl 2024

Við í Smaladrengjum ætlum að halda okkar árlegu hjólahópkeyrslu ef veður leyfir.

Mæting kl 12:00 á N1 Sauðárkróki fyrir þá sem vilja, en annars er mæting kl 13:00 við Fallið í Varmahlíð.

Hugmyndin er að koma saman, hlusta á smá hugvekju, minnast fallina félaga og horfa inn í hjólasumarið.

Að lokinni samkomu í Varmahlíð er mögulegt, fyrir þá sem það vilja, að halda sem leið liggur inn að Árgarði, Steinsstöðum en þar er kaffi og kökusala í tilefni dagsins hjá Kvenfélagi Lýtingsstaðahrepps frá kl 14-17 og kostar 2500kr (enginn posi á staðnum).

Öllu hjólafólki er boðið að koma og vera með.

Kæru smalar.

Aðalfundur Vélhjólafélags Smaladrengja 2023 verður haldinn kl 18:00 mánudaginn 24. apríl í Smalakofanum, klúbbhúsi okkar að Borgarteig, Sauðárkróki. Gengið er inn Borgargerðismegin, (grasmegin).

Dagskrá aðalfundar er hefðbundin:

Kosning fundarstjóra og fundarritara
Inntaka nýrra félaga.
Stjórn og nefndir gefa skýrslu um starfsemi liðins árs.
Stjórnin leggur fram endurskoðaða reikninga liðins árs.
Lagabreytingar.
Kosning stjórnar, varamanna og skoðunarmanns reikningshalds
Kosning nefnda.
Önnur mál.

Léttar veitingar verða í boði.

Ég vonast til að sjá ykkur sem flest.

kv. Björn Ingi Bj.
Formaður.

Sumardagurinn fyrsti 20. apríl 2023

Við í Smaladrengjum ætlum að halda okkar árlegu hjólahópkeyrslu ef veður leyfir.

Mæting kl 12:00 á N1 Sauðárkróki fyrir þá sem vilja, en annars er mæting kl 13:00 við Fallið í Varmahlíð.

Séra Gísli Gunnarsson verður því miður fjarverandi svo samkoman verður ekki með hefðbundnu sniði. Hugmyndin er að koma saman og minnast fallina félaga og horfa inn í hjólasumarið.

Að lokinni samkomu í Varmahlíð er ætlunin, fyrir þá sem það vilja, að halda sem leið liggur inn að Árgarði, Steinsstöðum en þar er kaffi og kökusala í tilefni dagsins.

Öllu hjólafólki er boðið að koma með.